19
Nov
08

Banyumasan: Mangsa Lelaran

Mangsa ketiga pancén wis lérén temenan. Banyu udan ésih padha nétés, mrébél sekang godhongan. Swara klethak-klethik keprungu angger ana banyu temétés tiba maring godhong gedhang utawa godhong tales. Ana manuk clepuk themangkring anteng neng pang sing endhep. Matané sing mencilak awas menthelengi banyu neng blumbangan. Angger weruh ana urang nek ora iwak cilik, manuk kuwe nggesut njuran ngeclup maring banyu, terus mabur maning karo nggawa urang utawa iwak cilik sing wis decokot karo cucuke. Manuk clepuk kuwe tembe leren nggolet pangan angger telihe wis kebek urang utawane iwak cilik. Tandhane wareg, manuk kuwe ngetokna swarane: guk-guk-guk …..hrrrrr. Swarane medeni pisan.

Soroté wulan ora téyéng nrabas aling-aling lamuk. Neng mbang wétan, wulan mung téyéng gawé sunar kuning. Lep-lep kadhang kala gawé padhang jembrang sedhéla, ninggali tilas rupané garis mbrinang ékal-ékol. Gludhug gemludug swarane. Ilang lawongane gludhug, teras ngarep umah dirameni neng swara dopokane si Daplun karo ramane.

 

Daplun             : Pak, mau awan batire inyong ngomong angger Romo Bawor kuwe lagi mondok. Lara apa jane?

Pak Konar       : Inyong ya ora ngerti persise. Ana sing ngomong kanker, liver, gula, kolesterol, jantung, paru-paru. Tapi, jebulé mung masuk angin karo puyeng.

Daplun             : Melas temen, ya pak. Dadi romo kuwé wis ora duwe bojo, tésih lara maning. Angger ramané masuk angin, téyéng dikeroki biyungé. Nék romo, sapa sing ngeroki paling-paling kosteré.

Pak Konar       : Lha ya mémper, sing arané romo kuwe nglayani umat sedina med. Esuk umun-umun kudu tangi terus mimpin misa. Durung maning angger tengah mbengi ana wong ndodog, trus njaluk minyak suci. Guli ngurusi gawéan gutul mblenger dhéwék.

Daplun             : Lho, angger pas rebon, ketoné Romo Bawor gotot pisan golé badminton. Paling ora, olah raga téyéng marakna awake bergas.

Pak Konar       : Jaman siki kié, sing arané penyakit kuwé ora patut, sekang sirah gutul sikil ana kabéh. Mulané kudu njaga keséhatan temenanan apa maning mangsa rendheng kaya kiyé. Mangkat kepanasen bali kudanen, wis kaya péméan bae.

Daplun             : Pak, ketoné wis mandan terang. Sida arep maring rumah sakit apa ora?

Pak Konar       : Oh ya, plun! Dadi kelalén mbok, arep besuk Romo Bawor. Kaé, biyunge kon mandan gelis senggal udan maning kyeh !!!

Daplun             : Bu, gagéan kiyé arep mangkat! Lagi ngapa sih?

Bu Konar         : Mengko ndisit sedela maning. Kiyé lagi bingung arep nggawa apa nggo Romo Bawor?

Pak Konar       : Ya sing mandan patut, degawani mendoan apa dagé apa ranjem baé. Pokoké sing ora marakna penyakit, mergané panganan kuwé penting kanggoné kesehatan. Panganan énak trus larang malah gawé penyakit.

Bu Konar         :  Kiyé wis tek gawakna empat séhat lima sempurna: sayuré tégéan, lawuhé mendoan, karo wédang badég gantine susu. Pokoke sehat trus langka formaliné he..he..

Pak Konar       : Gagean, ayuh mangkat wis sendekala, malah pada guyonan.

 

Dening; Fr Utomo Hadi


0 Responses to “Banyumasan: Mangsa Lelaran”



  1. Tinggalkan sebuah Komentar

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s


Jumlah Pengunjung

  • 36,186 pengunjung

Tanggalan’e

November 2008
S S R K J S M
    Des »
 12
3456789
10111213141516
17181920212223
24252627282930

Polling

Peta Keuskupanku

Photobucket

Download Driver nVidia

AC_FL_RunContent('flashVars', 'widgetVersion=vertical&widgetLanguage=en-us','src', 'http://www.nvidia.com/content/DriverDownload/widget/v2/driver_widget','width', '320','height', '620','align', 'middle','id', 'driver_widget','quality', 'high','bgcolor', '#869ca7','name', 'driver_widget','wmode', 'transparent','allowScriptAccess','sameDomain','type', 'application/x-shockwave-flash','pluginspage', 'http://www.adobe.com/go/getflashplayer');

Selamat Natal 2008 dan tahun baru 2009


%d blogger menyukai ini: